एक नजर समाचार, 
काठमाडौं, १४ असोज । नेपालमा कोरोनाभाइरसका एक हजार ५५९ जना नयाँ सङ्क्रमित थपिएका छन् ।
मन्त्रालयले दैनिक प्रेस ब्रिफिङ्को क्रममा हाल नेपालमा २० हजार ८९१ जनामा कोरोनाभाइरसको सङ्क्रमण सक्रिय रहेको जनाएको छ । थपिएका नयाँ सङ्क्रमितसँगै नेपालमा कुल सङ्क्रमितको संख्या ७७ हजार ८१७ पुगेको छ । पछिल्लो चौबीस घण्टामा एक हजार ५७ जना कोरोनाभाइरस सङ्क्रमित निको भएर घर फर्केका छन् ।
हालसम्म ५६ हजार४२८ जना सङ्क्रमित निको भएका छन् । पछिल्लो चौबीस घण्टामा सात जना सङ्क्रमितको निधन भएको छ ।
