सुदुरपश्चिम

धनगढी/सुदूरपश्चिम प्रदेशका सांसद तारा लामा तामाङले आफू नेकपा एमालेमै फर्किने घोषणा गरेका छन्।
सोमवार प्रदेश सभाको बैठकमा विशेष समय माग गर्दै उनले नेकपा एकीकृत समाजवादी छोडेर एमालेमै फर्किने घोषणा गरेका हुन्। माधवकुमार नेपालले नेकपा एकीकृत समाजवादी खोलेपछि उनी उक्त पार्टीमा लागेका थिए।
समाजवादी पार्टीबाट उनी आर्थिक मामिला तथा योजना मन्त्री पनि बनेका थिए। प्रदेश सरकारमा नेपाली कांग्रेस सहभागी भएपछि उनलाई मन्त्रीबाट हटाइएको थियो। मन्त्रीबाट हटाएपछि उनी असन्तुष्ट थिए। तामाङले सत्ता गठबन्धनले जनताको भावनाअनुसार काम गर्न नसकेको भन्दै पुन: एमालेमा जान निर्णय गरेको बताएका छन्।
उनले आगामी दिनमा संसदमा पनि जुन पार्टीको जुन …

टीकापुर/थारु समुदायको अटवारी पर्वका लागि कैलाली र कञ्चनपुरमा आइतबार सार्वजनिक बिदा दिइएको छ। यही भदौ १२ गतेका दिन सुदूरपश्चिम प्रदेश सरकारले सार्वजनिक बिदा दिने निर्णय गरेको हो।
प्रदेश सरकारले थारु समुदायको अटवारी पर्वको अवसरमा दिएको बिदाको मिति संशोधन गरेर भदौ १२ गते कायम गरेको हो। यसअघि २०७८ चैत २२ गतेको मन्त्रिपरिषद्को बैठकले अटवारी पर्वको बिदा भदौ १९ गते दिने निर्णय गरेको थियो। प्रदेश सरकारको मन्त्रिपरिषद्को भदौ ९ गतेको बैठकले सो बिदा दिने निर्णय गरेको हो।
आइतबारका दिन कैलाली र कञ्चनपुरका सम्पूर्ण सरकारी कार्यालय तथा सार्वजनिक निकायमा बिदा रहने आन्तरिक मामिला …

काठमाडौं । नेपाली कांग्रेसका नेता प्रदीप गिरीको स्वास्थ्य अवस्था गम्भीर बनेको छ । झण्डै एक महिनादेखि ललितपुरको नख्खुस्थित मेडिसिटी अस्पतालमा उपचाररत गिरीलाई आईसीयूबाट बिहीबार भेन्टिलेटरमा सारिएको छ ।
भारतको मुम्बईमा घाँटीको क्यान्सरको उपचार गराएर नेपाल फर्किएका उनी स्वास्थ्यमा समस्या भएपछि साउन दोस्रो साता मेडिसिटीमा भर्ना भएका थिए ।
गिरीलाई भेटेर फर्किएका कांग्रेस नेता बिमलेन्द्र निधिले ट्वीट गरेका छन्, ‘स्तब्ध र निरिह छु । ईश्वरीय चमत्कारका लागि प्रार्थना गर्दैछु, सबैले प्रार्थना गरौं ।’
त्यसपछि अहिले सामाजिक सञ्जालमा समाजवादी विश्लेषक तथा स्वच्छ छविका नेता गिरीको शसभचिन्तकहरुले स्वास्थ्यलाभको कामना जताततै ब्यक्त गरेका छन् ।