देशभर थपिए ४ हजार ३६४ जना संक्रमित, निको हुने २ हजार ६७५

काठमाण्डौ, २२ असोज / बिहीबार देशभर ४ हजार ३६४ जना नयाँ कोरोना संक्रमित थपिएका छन् । काठमाडौं स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले आज ४ हजार ३६४ जनामा कोरोना पुष्टि भएको जानकारी दिए ।

योसँगै देशैभर कुल कोरोना संक्रमित संख्या ९८ हजार ६१७ जना पुगेको छ । पछिल्लो पटक बिहीबार ४ हजार ३६४ जना संक्रमित थपिएका हुन् । यसैगरी ७१ हजार ३४३ जना संक्रमित उपचारपछि निको भएर घर फर्किएका छन् ।
पछिल्लो २४ घण्टामा २ हजार ६७५ जना संक्रमित उपचारपछि निको भएर घर फर्किएको डा. गौतमले बताए । यसैगरी काठमाडौं उपत्यकामा पनि २ हजार ५४० जना नयाँ संक्रमित थपिएका छन् ।
काठमाडौंमा २ हजार ८५, भक्तपुरमा १३५ र ललितपुरमा ३२० गरि जम्मा २ हजार ५४० जना संक्रमित थपिएका हुन् । यही संक्रमित मध्येबाट ५९० जनाको मृत्यु भएको छ । पछिल्लो २४ घण्टामा १२ जना संक्रमितको मृत्यु भएको हो ।