एक नजर समाचार, 
काठमाडौं । राहादानी विभागले ई–पासपोर्टको अनलाइन आवेदन आज मंगलबारबाट बिहान ११ बजेदेखिनै खुलेको जनाएको छ । विभागले यसअघि साँझ साढे ४ बजेपछि खुलाउँदै आएकोमा आजदेखि बिहान ११ बजेबाट नै खुलाएको हो ।
विभागले सोमबार सूचना जारी गरी उक्त जानकारी दिएको थियो । विभागले हाल दुई हजार चारसय जनाको प्रि–इनरोलमेन्ट खुलाउँदै आएकोमा अब कोटा पनि बढाउने तयारी गरेको छ । प्रि–इनरोलमेन्ट गरिसकेपछि प्राप्त मितिमा राहदानीका लागि विभागमा पुग्नुपर्छ ।
