• एक नजर समाचार,
• राजनीति
• २०७८ श्रावण २१, बिहीबार २२:३२ गते
• 12  पटक हेरिएको views

प्रचण्डको पुनरावलोकन निवेदनमा विपक्षी झिकाउने आदेश

माओवादी केन्द्रका अध्यक्ष पुष्पकमल दाहाल ‘प्रचण्ड’को रिटमा सर्वोच्च अदालतले विपक्षी झिकाउने आदेश दिएको छ । माओवादी केन्द्रले कारबाही गरेका स्थानीय तहका पदाधिकारीहरूको रिटमाथि सर्वोच्चले दिएको अन्तरिम आदेशविरुद्ध प्रचण्डले दर्ता गराएको निवेदनमा सर्वोच्च अदालतले यस्तो आदेश गरेको हो । 
गत २३ फागुनमा माओवादी केन्द्र र एमालेलाई एकताअघिकै अवस्थामा फर्काउने सर्वोच्चको फैसलापछि माओवादी केन्द्र छाडेर अन्य पार्टी प्रवेश गरेका स्थानीय तहका पदाधिकारीहरूलाई माओवादी केन्द्रले कारबाही गरेको थियो । 
माओवादी केन्द्रको कारबाहीपछि उनीहरू सर्वोच्चको शरणमा पुगेका थिए । सर्वोच्चले उनीहरूको रिटमाथि अन्तरिम आदेश जारी गर्दै उनीहरूमाथि भएको कारबाही कार्यान्वयन नगर्न आदेश दिएको थियो । …